Skyrkaka með ristuðum möndlubotni
Innihald:
Botn:
- 200gr ristaðar möndlur
- 30gr möndlumjöl
- 30gr kókosmjöl
- 50gr sukrin gold
- 2 msk kakó
- 90gr brætt smjör
- 1 tsk vanilludropar
- Nokkur Himalayan saltkorn
Fylling:
- 300gr Ísey Crème brulee skyr
- 200gr Mascarpone rjómaostur
- 300ml rjómi
- 2 msk fínmöluð sæta
- 2 tsk vanilludropar
- 2 matarlímsblöð
- 40gr sykurlaust súkkulaði (ég notaði Lily’s Sweets Caramelized súkkulaði, fæst á Iherb)
Aðferð:
- Setjið möndlur á ofnskúffu með smjörpappír og hitið þær í ofni á 200 gráðum með blæstri í 15-20 mín. Gott að velta þeim örlítið um á 5 mín fresti.
- Takið þær út og leyfið þeim að kólna.
- Setjið möndlurnar í matvinnsluvél og hakkið þær gróflega.
- Bræðið smjörið þar til það verður að vökva.
- Setjið öll hráefni botnsins saman með möndlunum í matvinnsluvél þar til það er orðið að þéttu mauki.
- Þrýstið deiginu í botninn á hringlóttu formi, hafið kantana aðeins hærri og slétt inn að miðju.
- Frystið botninn á meðan blandað er í fyllinguna.
- Setjið matarlímsblöðin í skál og leggið í bleyti þar til þau eru orðin mjúk.
- Þeytið 250ml af rjómanum þar til hann er tilbúinn og leggið hann til hliðar. Þeytið saman rjómaostinn, skyrið og vanilludropa vel saman þar til blandan er orðin slétt.
- Hrærið rjómanum saman við blönduna á samt fínmöluðu sætunni.
- Skerið súkkulaðið niður í einskonar spæni eða fína bita og blandið vel saman við.
- Hitið 50ml af rjóma örlítið, kreistið vatnið af matarlímsblöðunum og bræðið í heitum rjómanum. Hellið því svo saman við fyllinguna og hrærið vel.
- Hellið fyllingunni yfir frosinn botninn og sléttið vel úr henni.
- Geymið í kæli í minnst 3 klst áður en hún er borin fram. Hún er best daginn eftir!
- Gott að bera fram með sykurlausri karamellusósu, bláberjum og Daim karamellukurli.
Karamellan sem varð að Daim:
