Saltkaramellukrem

 

Innihald:

Saltkaramellusósa:

  • 75gr smjör
  • 150gr Fiber Gold sýróp
  • 350ml rjómi
  • 7 dropar English Toffee steviu dropar
  • 1/2 tsk Himalayan salt(eftir smekk)

Saltkaramellukrem:

  • 280gr Íslenskt smjör
  • 130gr Fínmöluð Good Good sæta
  • 130gr Fínmalað Sukrin Gold
  • 2/3 af Saltkaramellusósu

Aðferð saltkaramellusósu og krem

  1. Bræðið smjör og sýróp saman á pönnu og leyfið því að þykkna og dökkna aðeins við hátt hitastig (var með á stillingu nr 8 á keramik)
  2. Lækkið hitann niður örlítið (niður í 6 á keramik), setjið salt og stevíudropa saman við og hrærið vel.
  3. Þegar blandan er orðin örlítið þykk er rjómanum hellt saman við og blandan hrærð vel saman þar til hún er orðin jöfn.
  4. Leyfið blöndunni að malla í sirka 10 mínútur og hrærið reglulega á milli.
  5. Þegar karamellan er orðin að sósu og þekur skeið auðveldlega er hún sett yfir í plast ílát sem þolir mikinn hita (ég notaði sprautubrúsa).
  6. Leyfið karamellusósunni að kólna.
  7. Á meðan karamellan er að kólna er smjörið þeytt vel, passa að smjörið sé vel mjúkt.
  8. Bætið fínmöluðu sætunum varlega saman við á meðan það þeytist á miklum hraða.
  9. Kremið ætti að vera létt og ljóst.
  10. Passa verður að karamellan sé ekki heit þegar henni er blandað saman við smjörkremið smátt og smátt.

Gott er að nota þetta krem á bæði brúna köku og muffins. Afgangs krem er gott að geyma til að setja á Ketó Bollakökur eða sem fitubombur.