Sætar Pekanhnetur

Innihald:

• 200gr Pekanhnetur
• 30gr íslenskt smjör (þetta gráa)
• 1 eggjahvíta
• 1 tsk vanilludropar
• 1/2 dl Sukrin Gold
• 2 tsk kanill
• 1 msk Fiber Gold sýróp (eða Good Good Sýróp)
• Klípa af Himalaya salti

Aðferð:

Bræðið smjör á pönnu á miðlungshita og hellið pekanhnetunum saman við þegar allt smjörið er bráðið.

Á meðan pekan hneturnar hitna er eggjahvítu, salti og vanilludropum þeytt saman með písk þar til það myndast froða.

Hrærið örlítið í pekanhnetunum.

Næst er sukrin gold, kanil og sýrópi hrært varlega saman við.

Hækkið hitann í næst hæsta hita, hellið blöndunni saman við pekanhneturnar og dreifið vel úr því.

Passið að brenna ekki hneturnar eða blönduna. Hrærið vel í hnetunum þar til blandan hefur náð að þekja allar hneturnar og blandan er byrjuð að dökkna.

Næst eru hneturnar settar á ofnplötu klædda smjörpappír, dreifið vel úr þeim svo þær festist ekki saman og baka þær við 200 gráður á blæstri í sirka 10-15 mínútur.

Fylgist vel með síðustu 5 mínúturnar að hneturnar brenni ekki við.

Takið hneturnar úr ofninum, fjarlægið af ofnplötunni og leyfið þeim að kólna.

Ótrúlega gott sem millimál eða nammi!