Mozzarellafylltar Töfrabollur
Innihald:
- 800gr Nautahakk
- 1 dós litlar mozzarella kúlur (16stk)
- 2 egg
- 40gr blaðlaukur
- 4 msk Hörfræmjöl (Flaxseed meal)
- 3 msk Töfrakrydd frá Pottagöldrum
- 2 tsk Himalayan salt
- Kókosolíu PAM sprey
Aðferð:
- Forhitið ofninn á 190 gráðum með blæstri.
- Setjið hakk, egg, krydd og hörfræmjöl saman í hrærivél og hnoðið þar til allt er vel blandað saman.
- Gott er að hnoða örlítið í höndunum líka.
- Skerið blaðlaukinn mjög smátt, setjið saman við hakkblönduna og hnoðið áfram.
- Skiptið hakkblöndunni upp í 16 stk bollur (ca 65-67gr hver bolla)
- Setjið eina mozzarella kúlu með hverri bollu og þekjið kúluna alveg þannig að hún er í miðju bollunar.
- Spreyjið eldfastform með kókosolíu spreyjinu. Raðið bollunum þétt saman.
- Bakið í ofni í 20 mínútur.
- Takið úr ofninum, snúið bollunum við og bakið í aðrar 20 mínútur.
Gott að útbúa Ostasósu með þessu og njóta með Blómkálsmús eða Blómkálsgratín og fersku salati.
Skammturinn er ca 2-3 bollur.