Mjúkir Kanilsnúðar

Innihald:

• 70gr kókoshveiti
• 40gr strásæta
• 1 & 1/2 msk vínsteinslyftiduft
• 250gr rifinn ostur
• 60gr rjómaostur
• 3 egg
• 2 msk smjör
• 1 tsk vanilludropar
• 60gr smjör
• 40gr sukrin gold
• 10gr kanill
• 1 eggjarauða

Aðferð:

1. Hrærið saman þurrefnum og leysið upp alla kekki.
2. Hitið ostinn og rjómaostinn saman í örbylgju, hrærið saman og hitið aftur ef þörf er á. Osturinn ætti að vera alveg bráðnaður og rjómaosturinn blandaður saman við.
3. Hrærið egg, vanilludropa og 2 msk af bráðnuðu smjöri saman í annari skál.
4. Á meðan osturinn er enn heitur, hellið blöndunni saman við ostinn ásamt þurrefnunum og hnoðið vel.
5. Deigið ætti að vera klístrað, ef það er þurrt bætið við smá af smjöri.
6. Fletjið út í ferhyrning á milli tveggja bökunarpappíra, ekki mjög þunnt.
7. Hrærið saman vel mjúku smjöri, sukrin gold og kanil og smyrjið jafnt yfir allan flötinn.
8. Rúllið deiginu upp þétt með hjálp bökunarpappírsins.
9. Skerið í 2-3cm sneiðar, raðið á ofnplötu með bökunarpappír, penslið snúðana með hrærðri eggjarauðu og bakið við 190 C í 15 mínútur.