Karamellufylltar Bollakökur

Innihald:

  • 5 egg
  • 50gr kókoshveiti
  • 30gr möndlumjöl
  • 160gr Sukrin Gold
  • 1 tsk vínsteinslyftiduft
  • 1/4 tsk matarsódi frá Pottagöldrum
  • 100gr Íslenskt smjör
  • 55gr kakó
  • 1 tsk vanilludropar
  • 1/4 tsk skyndikaffiduft
  • 1 msk sýrður rjómi
  • 200ml rjómi (má nota möndlumjólk í staðinn)

Aðferð:

  1. Þeyta saman egg og sætu þar til blandan er orðin létt og ljóst.
  2. Bæta næst vanilludropum, sýrðum rjóma, rjóma, bráðnu smjöri, rjóma og kaffidufti (hægt að nota 30ml sterkt kaffi í staðinn en þá þá minnka rjómann niður í 170ml).
  3. Hrærið þar til allt er uppleyst.
  4. Hrærið saman þurrefnunum og bætið saman við blautu blönduna í skömmtum á meðan vélin hrærir enn.
  5. Skiptið deiginu upp í 24 lítil muffinsform og bakið við 190 gráður á blæstri í 15-20 mínútur.

Notist við þessa uppkrift fyrir kremið og karamelluna: Saltkaramellukrem 

Gerið litlar holur í hverja bollaköku og sprautið þar karamellu í miðjuna. Leyfið karamellunni að stífna örlítið áður en kremi er sprautað ofan á.

Hægt er að lita kremið með allskyns litum! Þessar hér voru gerðar fyrir blátt BabyShower❤️