Gulrótarkaka

Innihald:

• 5 egg
• 200gr bráðið smjör
• 4 msk sukrin gold (eða Golden Monk fruit sæta)
• 2 tsk vanilludropar
• 230gr rifnar gulrætur
• 50gr muldar pekanhnetur 
• 50gr fínt kókosmjöl
• 150gr möndlumjöl
• 10gr Kanill frá Pottagöldrum 
• 1 tsk Engifer frá Pottagöldrum
• 2 tsk vínsteinslyftiduft

 Krem:

• 90gr hreinn rjómaostur
• 70gr fínmalað Sukrin Gold (eða Golden Monk fruit sæta)
• 1 msk rjómi
• 1/2 tsk vanilludropar
• Nokkur Himalayan saltkorn

Aðferð:

Þeytið saman egg, brædda smjörið, vanilludropana og sætu saman í sirka 10 mínútur. Á meðan það er að þeytast, myljið pekanhnetur í smáa bita, vigtið og blandið vel saman öllum þurrefnum saman í annari skál. Rífið niður gulrætur í ræmur eftir smekk.

Blandið gulrótunum saman við eggjablönduna og hrærið vel og á meðan það hrærist saman er þurrfefnunum hellt útí á meðan.

Setjið næst blönduna í hringlótt smurt form og bakið við 180 gráður með blæstri í 40 mínútur.

Á meðan kakan bakast er kremið búið til.

Hitið rjómaostinn örlítið, til þess að hafa hann örlítið mjúkann. Setjið öll hráefnin saman í skál og þeytið þar til kremið er orðið silkimjúkt. Gott er að kæla kökuna alveg og setja kælt kremið á kökuna áður en hún er borin fram.