Fyllt brauðskál
Innihald:
Brauðskálar:
- 230gr rifinn mozzarella ostur
- 60gr rjómaostur
- 75gr möndlumjöl
- 50gr kókoshveiti
- 2 msk hörfræmjöl
- 2 tsk Vínsteinslyftiduft
- 1tsk himalaya salt
- 1 egg
Fylling:
- 2 kjúklingalæri
- 2 egg
- 20gr græn paprika
- 100gr rifinn ostur
- 1 tsk Töfrakrydd frá Pottagöldrum
- 2 msk Avocadoolía
- Himalaya salt
- Sesamfræ
- Eggjarauða
Aðferð:
Fyllingin:
- Kryddið lærin með töfrakryddinu, hellið 1 msk af olíu saman við og nuddið vel þar til lærin eru þakin.
- Ofnbakið kjúklingalærin í um 25 mínútur.
- Skerið paprikuna mjög smátt.
- Hrærið saman eggin ásamt salti, setjið avocadooliu á pönnu og steikið eggin. Hrærið með sleif til að mynda eggjahræru.
Brauðið:
- Hitið osta í örbyglju í sirka 2 mínútur eða þar til allur osturinn er vel bráðinn.
- Gott er að hræra í ostunum inn á milli.
- Á meðan osturinn hitnar er þurrefnunum blandað saman í skál.
- Takið skálina úr örbylgjunni, hrærið og hellið þurrefnunum saman við.
- Hnoðið öllu vel saman við ostinn og í lokin er eggið sett saman við og hnoðað inn í deigið.
- Skiptið deiginu upp í fjóra jafna parta og fletjið út í hring.
- Skiptið 50gr af rifnum osti jafnt í miðju brauðsins. Skerið kjúklingalærin í litla bita, skiptið jafnt í fjóra parta, það sama á við um eggin og paprikuna, leggið ofan á rifna ostinn.
- Þjappið brauðið hringinn um fyllinguna þannig að þetta sé eins og litlar skálar.
- Penslið brauðið með eggjarauðunni.
- Skiptið restinni af ostinum í fjóra parta , stráið sesamfræjum yfir og bakið í ofni við 180gráður á blæstri í 25 mínútur eða þar til osturinn er orðinn að mestu gylltur.
