Blómkálsgratín

Innihald:

  • 2 litlir blómkálshausar 
  • 1 Hvítlauksostur
  • 200ml rjómi
  • 1 stk nautakraftur
  • 1/2 rauðlaukur
  • 1/2 rauð paprika
  • 40gr parmesan ostur
  • 50gr rifinn ostur
  •  c.a. 1 msk Töfrakrydd frá pottagöldrum
  • Himalayasalt eftir smekk

Aðferð:

Skera blómskálið í litla bita, krydda svo með töfrakryddi og salti eftir smekk og hitið í örbylgjuofni í 4 mínútur aðeins til að mýkja blómkálið. Á meðan þetta er í örbylgjunni er hvítlauksosturinn, nautakrafturinn og rjómi settur í pott og hrært vel saman þar til allt er uppleyst. 

Skerið paprikuna og laukinn í grófa bita, dreifið vel úr því á milli blómkálsins. Hella sósunni yfir grænmetið og hrærið vel í. 

Hitað í ofni við 210 gráðu hita án blásturs í sirka 15-20 mínútur. Takið gratínið úr ofninum og dreifið rifna ostinum jafnt yfir ásamt parmesan ostinum. 

Hitað aftur inn í ofni við sama hita með blæstri í 15 mínutur. 

Gott meðlæti með pottréttum, hakkabuffi og fleira.