Ketó máltíðaplanið er komið í vefverslun! Klikkið hér!

Avocado Brúnkur með Saltkaramellu

Innihald:

  • 220gr Þroskuð avocado (2 stór)
  • 1 tsk vanilludropar
  • 1 tsk skyndikaffiduft
  • 5 msk rjómi
  • 30gr hreint sykurlaust kakó
  • 8 dropar English Toffee steviu dropar
  • 80gr íslenskt smjör
  • 2 egg
  • 70gr möndlumjöl
  • 20gr kókoshveiti
  • 1/2 tsk matarsódi
  • 1 & 1/2 tsk vínsteinslyftiduft
  • Nokkur Himalayan saltkorn
  • 70gr Sukrin gold
  • 100gr sykurlausir súkkulaðibitar (85% Cavalier súkkulaði fæst hjá Systur og Makar og Nettó m.a.  eða Lily’s sweets baking chips fást á Iherb)

 Saltkaramella:

  • 60gr Íslenskt smjör
  • 120gr Fiber Gold sýróp
  • 300ml rjómi
  • 1/2 tsk Himalayan salt
  • 6 dropar English Toffee Steviu dropar

Aðferð:

Karamellan:

  1. Bræðið smjör og sýróp saman á pönnu og leyfið því að þykkna og dökkna aðeins við hátt hitastig (var með á stillingu nr 8 á keramik) 
  2. Þegar blandan er orðin örlítið þykk er rjómanum hellt saman við og blandan hrærð vel saman þar til hún er orðin jöfn. Lækkið hitann niður örlítið (niður í 6 á keramik), setjið salt og stevíudropa saman við og hrærið vel.
  3. Leyfið blöndunni að malla í sirka 10 mínútur og hrærið reglulega á milli.
  4. Þegar karamellan er orðin að sósu og þekur skeið auðveldlega er helmingnum hellt yfir í plast ílát sem þolir mikinn hita (ég notaði sprautubrúsa).
  5. Leyfið restinni að malla og stífna í sirka 20 mínutur, hellið því yfir í form eða á smjörpappír og kælið í kæli í minnst klukkutíma.

Deig:

  1. Bræðið saman súkkulaðibita og smjör við vægan hita þar til súkkulaðibitarnir hafa leyst alveg upp.
  2. Setjið Avocadoin í matvinnsluvél þar til þau eru alveg maukuð og hellið yfir í hrærivél.
  3. Hellið súkkulaðinu saman við avocadoið og hrærið vel.
  4. Setjið næst eggin saman við og þeytið vel.
  5. Leysið skyndikaffiduft upp í rjómanum og hellið saman við deigið.
  6. Þurrefnunum er létt hrært saman og bætt saman við deigið og þeytt vel.
  7. Smyrjið kökuform með smjöri eða spreyjið með kókosolíu. Dreifið úr deiginu jafnt í öll horn.
  8. Þegar karamellan er orðið stíf, skerið í litla bita og dreifið jaft yfir deigið og þrýstið ofan í deigið. Einnir  er gott að dreifa nokkrum súkkulaðibitum yfir.
  9. Bakið við 180gráður á blæstri í 25-30 mínútur.
  10. Leyfið brúnkunum að kólna örlítið.

Berið fram með þeyttum rjóma og karamellusósu.

Hægt er að sjá myndskeið af því hvernig Karamellan er elduð inná Instagram mínu---> ally.lagkolvetna.godgaeti